صحيفه سجاديه کي سند ميں امام صادق(ع) سے ايک روايت نقل کي گئي ھے اور اس ميں امام مھدي (عج) کے ظهور سے پهلے ھر انقلاب کو ائمه(ع) اور ان کے شيعوں کے لئے غم و اندوه اور بلا ومصيبت کا سبب جانا گيا ھے ۔ مهرباني کرکے بتائيے که اسلامي انقلاب کي اس حديث کے ساتھ کيسے مطابقت کي جاسکتي ھے؟
اس سوال کے جواب ميں کهنا چاھئے که:
اولا: اس قسم کي روايتيں يا تقيه کي وجه سے تھيں يا خاص حالات ميں بيان کي گئي ھيں که مسلح بغاوت کا کوئي خاص فائده نھيں ھوگا۔ اس کے علاوه ھماري روايتوں ميں، ايسے مطالب بھي پائے جاتے ھيں، جن کے مطابق بعض انقلابوں کي تائيد کي گئي ھے۔
ثانيا: مذکوره روايت، مسلح بغاوتوں اور انقلابوں کے بارے ميں ھے۔ ليکن يه روايت باقي اصلاحي تحريکوں کي نفي نھيں کرتي ھے اور ائمه اطهار(ع) کي سيرت ميں بھي ھم مشاھده کرتے ھيں که وه بھي اس قسم کي تحريکوں کا اقدام کرتے تھے۔
ايران کے اسلامي انقلاب کے طريقه کار اور اس کے باني کے افکار کي تحقيق سے يه نتيجه بھي حاصل ھوتا ھے که وه بنيادي طور پر مسلح بغاوت کي تائيد نھيں فرماتے تھے اور ايران کا اسلامي انقلاب بھي اس قسم کے انقلابوں ميں شمار نھيں ھوتا ھے۔ اس بنا پر اس انقلاب کا ايسي روايتوں سے ھرقسم کا تضاد ختم ھوتا ھے۔
تفصيلي جواب:
ديني اور قرآني اصولوں پر مبني رونما ھوئے، ايران کے اسلامي انقلاب جيسے ايک عظيم انقلاب کے بارے ميں ھميں صرف ايک روايت و حديث پر اکتفا کرکے اس عظيم تحريک کے صحيح يا غلط ھونے کے بارے ميں بحث نھيں کرني چاھئے، بلکه ھميں اس سلسله ميں تمام ديني کتابوں اور تاريخي ادوار ميں ائمه اطهار(ع) کي علمي سيرت پر ايک وسيع نظر ڈالني چاھئے، تاکه ھم ايک دقيق اور صحيح نتيجه حاصل کرسکيں۔
اسي وجه سے ھم اس موضوع کو کئي حصوں ميں تقسيم کرکے وسيع اور مفصل تر صورت ميں بحث، تجزيه وتحليل کريں گے:
۱۔ کيا صحيفه سجاديه کے مقدمه ميں موجود يه روايت، تمام انقلابي اور مسلح تحريکوں کو مسترد کرسکتي ھے؟
۲۔ اس روايت اور اس کي مشابه دوسري ان تمام روايتوں کے بارے ميں کونسي توجيه پيش کي جاسکتي ھے، جن کے مطابق حضرت مهدي(عج) کے ظهور تک ھر قسم کي تبديلي کو ممنوع قرار ديا گيا ھے؟
۳۔ مذکوره دو مطالب کے پيش نظر، امام خميني(رح) جيسے ديني علما اور دانشوروں نے وقت کي طاغوتي حکومت کے خلاف تحريک چلا کر کيسے انقلاب برپا کيا ھے؟
ھم اسي ترتيب سے مذکوره مطالب پر بحث و تحقيق کرکے نتيجه حاصل کريں گے:
۱۔ پهلے سوال کے بارے ميں يه کهنا هے که: صحيفه سجاديه کے مقدمه ميں موجود يه روايت اگر سند کے لحاظ سے بھي ناقابل خدشه ھوتي اور اس کا ھمارے چھٹے امام (ع) سے صادر ھونا قطعي سمجھا جاتا، پھر بھي ھم اسي حديث کے متن ميں کچھ ايسے نکات کو پاتے ھيں جن پر غور کرنے سے ھم امام مھدي(عج) سے پهلے هر انقلابي تحريک کو مسترد نھيں کرسکتے ھيں! اس سلسله ميں مندرجه ذيل دو نکتے قابل غور ھيں:
اولاً: اسي حديث ميں آيا ھے که امام صادق(ع) يحي بن زيد کے قيام اور ان کي شهادت کے بارے ميں سن کر بھت بے چين ھوئے اور روئے! اگر وه، اس تحريک کو مکمل طور پر مردود اور خود خواهي پر مبني جانتے اور اسے شيعوں کے نفع ميں نه سمجھتے، تو اس بے چيني اور گريه وزاري کي کيا وجه تھي؟! البته ممکن ھے يه جواب ديا جائے که ان کي يه بے چيني يحي کے بارے ميں ان کي همدردي کي بنا پر تھي، کيونکه وه ان کے چچيرے بھائي لگتے تھے اور يه همدردي کسي صورت ميں ان کے انقلاب کي تائيد ميں نھيں تھي۔ ليکن اس قسم کے جواب کو قبول کرنے کي صورت ميں بھي بعد والے نکته کا کيا جواب ديا جاسکتا ھے؟
ثانياً: اس حديث ميں۔ امام صادق(ع) سے نقل کرکے بيان کياگيا ھے که:" ھم اهل بيت(ع) ميں سے کوئي شخص حضرت مھدي [عج) کے ظهور سے پهلے ظلم وستم سے مقابله کرنے اور يا احقاق حق کے لئے قيام نھيں کرے گا، مگر يه که جب بلا و مصيبت سے دوچار ھوگا اور اس کا انقلاب، ھم اور ھمارے شيعوں کو زياده مشکلات سے دوچار کرے گا[۱]۔"
اگر آپ اس روايت کے عربي متن پر غور کريں گے، تو آپ کو لفظ" لا يخرج" کے علاوه لفظ" ما يخرج" بھي ملے گا که اس سے استناد کرکے اور اس کے پيش نظر که اس ميں معصومين (ع) کے قيام کے بارے ميں کوئي استثنا نھيں پايا جاتا ھے، اس لئے اس حديث کے رو سے امام صادق(ع) سے قبل واقع ھوئے تمام انقلابوں کو بھي مسترد کيا جاسکتا ھے!
کيا آپ کے اعتقاد کے مطابق، ھمارے چھٹے امام (ع)، حضرت اميرالمومنين (ع) کي خلافت کے دوران واقع ھوئي جنگوں اور امام حسين (ع) کے خونين اور شهادت طلبانه انقلاب کے بارے ميں بھي مثبت نظريه نھيں رکھتے تھے اور انھيں بھي شيعوں کے نفع ميں نھيں سمجھتے تھے؟!
مذکوره روايت کے مطلق ھونے کي وجه سے مذکوره دو اماموں کي تحريکيں بھي اس کے دائره ميں آتي ھيں، ليکن ھم سو فيصدي مطمئن ھيں که امام صادق (ع) کا هرگز يه عقيده نھيں تھا۔
اسي بنا پر، ھم صحيفه سجاديه کي اس روايت کو تمام انقلابوں اور اصلاحي تحريکوں کي جانچ کرنے کے لئے حتمي معيار قرار نھيں دے سکتے ھيں، بلکه ممکن ھے که يه روايت، تقيه کے حالات ميں بيان کي گئي ھو اور يا يه که يه نکته بيان کرنا چاھتي ھو که اس قسم کي تحريکيں نتيجه بخش نھيں ھوں گي اور نصب العين پر مبني حکومت صرف حضرت مھدي (عج) کے ظهور کے بعد قائم ھوگي اور اس سے پهلے والے انقلابات ، اگر ضروري اور واجب بھي ھوں، تب بھي مشکلات سے دوچار ھوں گے اور شيعوں کے لئے ظاهري طور پر دنيوي مشکلات ميں اضافه کا سبب بنيں گے، ليکن اسے مکمل خاموشي اور کسي اصلاحي تحريک کو شروع نه کرنے کي دليل نھيں سمجھا جاسکتا ھے، کيونکه ھم پر اپنا فريضه انجام دينے کي ذمه داري ھے نه که نتيجه حاصل کرنے کي ۔اور امام خميني (رح) کے ارشاد کے مطابق که شهيد آيت الله سعيدي سے مخاطب ھوکر فرمايا ھے:" اگر انسان الهي فريضه انجام دينے ميں کامياب ھو جائے، تو نتيجه حاصل ھوا ھے، خواه وه مطلوبه نتيجه تک پهنچے يا نه پهنچے[٢]۔
ھم آگے بھي اس موضوع پر مزيد روشني ڈاليں گے۔
۲۔آپ کے سوال کے موضوع پر مبني روايت کے علاوه، اور بھي کچھ روايتيں پائي جاتي ھيں، جن سے يھي مفهوم حاصل ھوتا ھے۔ مثال کے طور پر يه روايت که:" بارھويں امام کے ظهور سے پهلے جوبھي پرچم بلند کيا جائے گا، اس پرچم کو بلند کرنے والا طاغوت ھوگا[۳] يا اس کي مثال اس چوزے کي جيسي ھوگي جس کے ابھي پر نھيں نکلے ھيں، ليکن وه پرواز کا اراده رکھتا ھے، اسي وجه سے وه بچوں کا کھلونا بن جاتا ھے[۴]! وغيره [۵]۔
ذرا غور کيجئے که يه روايتيں اس زمانه ميں صادر ھوئي ھيں، جب اموي ظالموں کي خلافت کے سلسله کي وجه سے، ان کے خلاف هر تحريک کي عام لوگ تائيد کرتے تھے، حتي که ان لوگوں کي تحريکوں کي بھي عوام حمايت کرتے تھے جن ميں خير خواهي اور الهي قصد و نيت نھيں ھوتي تھي! مثال کے طور پر، بچے کھچے خوارج، باوجوديکه خود گمراه تھے، ليکن اموي حکام کے خلاف بھي بغاوت کرتے تھے!
شيعوں کے ائمه اطهار(ع) اپنے پيرﺆں کو آگاه کرنے کے لئے، اس امر کي طرف اشاره کرتے تھے که هر تبديلي، ضروري نھيں ھے که اصلاح کے معني ميں ھو، انھيں اس قسم کي تحريکوں کا ساتھ دينے سے منع فرماتے تھے اور اس کے يه معني نھيں تھے که تمام انقلابي تحريکوں ]اگرچه محدود پيمانه پر ھوں[ کي وه مذمت کرتے تھے۔ امام صادق (ع) سے نقل کي گئي مندرجه ذيل روايت پر توجه فرمائيے، اور ديکھئے که کيا آپ بھي مذکوره نتيجه پر نھيں پهنچيں گے؟!
امام صادق (ع) فرماتے ھيں:" اگر آپ کسي انقلابي تحريک سے روبرو ھو جائيں، تو آپ کو مناسب فيصله کرنے کا حق ھے! ليکن آپ کو سنجيدگي کے ساتھ غور کرنا چاھئے که آپ کي اس تحريک کا بنيادي مقصد کيا ھے اور صرف زيد بن علي کے انقلاب کو اپنے لئے استناد قرار دينے پر اکتفا نھيں کرنا چاھئے، کيونکه زيد ايک دانشور اور سچے انسان تھے انھوں نے اپنے ذاتي اغراض و مقاصد کے لئے انقلاب نھيں کيا تھا! بلکه انھوں نے صرف آپ کو ائمه اهل بيت (ع) کي پيروي کرنے کي طرف دعوت دي تھي اور اگر وه کامياب ھوتے، تو ضرور اپنے اس عهد و پيمان پر عمل کرتے۔ ۔ ۔ !"
اس کے ضمن ميں وه مسلح بغاوت کو ان حالات ميں مصلحت نھيں سمجھتے تھے اور حضرت مھدي (عج) کے قيام کے بارے ميں کچھ مطالب پيش کرتے ھيں[۶]۔
جو کچھ ان تمام روايتوں سے معلوم ھوتا ھے، وه يه ھے که تقدير الهي يه ھے که عالمي معاشره کي مکمل اور بنيادي اصلاح، صرف امام مھدي(عج) کے ذريعه انجام پائے گي اور دوسروں کے ذريعه اس کا دعوي، صرف نعره بازي ھے اور اس کو عملي جامه پهنايا نھيں جاسکے گا۔ ليکن اس قسم کي تقدير، اس امر کے لئے رکاوٹ نھيں ھے که با ايمان افراد اپنے فرائض پر عمل کرکے اپني طاقت کے مطابق معاشره کي اصلاح کے لئے حتي الامکان کوشش نه کريں، کيونکه اگر ايسا نه کيا جائے، تو امام حسين (ع) کا انقلاب بھي سواليه قرار پائے گا، کيونکه يه انقلاب بھي حضرت مھدي سے پهلے واقع ھوا ھے!اس ميں کوئي شک شبهه نھيں ھے که يه اصلاحي تحريکيں اسي صورت ميں قابل تائيد ھوں گي جب با ايمان افراد کے ذريعه اور الهي مقاصد کے لئے انجام پائيں۔ امام خميني(رح) بھي اس نکته کي طرف توجه رکھتے تھے اور انھوں نے اپنے ايک بيان ميں فرمايا ھے:" جي هاں، البته دنيا کو عدل و انصاف سے بھر دينا، ھمارے بس کي بات نھيں ھے، اگر ايسا کرسکتے تو ضرور کرتے۔ ليکن چونکه ھم يه کام انجام نھيں دے سکتے ھيں، اس لئے ان [امام مھدي] کو آنا چاھئے۔ اس وقت دنيا ظلم سے بھري ھوئي ھے۔ آپ دنيا ميں ايک نقطه کي حيثيت رکھتے هيں۔ دنيا ظلم سے بھري ھوئي ھے۔ ھم ظلم کو روک سکتے ھيں، ھميں ايسا هي کرنا چاھئے يه ھمارا فريضه ھے [۷]۔"
مندرجه ذيل روايت، جو امام سجاد(ع) صاحب صحيفه سجاديه سے نقل کي گئي ھے، کو ايک اور سند کے عنوان سے مد نظر رکھ سکتے ھيں:
عباد بصري نے مکه جاتے ھوئے راستے ميں امام سجاد(ع) سے ملاقات کي۔ اس نے امام (ع) پر ايک تنقيدي نظر ڈالي اور ان سے پوچھا: اے فرزند حسين(ع)! آپ جهاد کو اس کي مشکلات کي وجه سے چھوڑ کر اس سے آسان تر کام، يعني حج پر نکلے هيں[ کيا آپ نے نھيں سنا ھے که] خداوند متعال قرآن مجيد ميں ارشاد فرماتا ھے:" خداوند متعال مومنين کي جان و مال کو بهشت کي قيمت پر خريدتا ھے اور وه راه خدا ميں جهاد کرتے ھيں، وه قتل کرتے ھيں اور قتل ھوتے ھيں۔ ۔ ۔ اور يه بڑي نجات ھے" ؟! امام نے جواب ميں فرمايا:" اس کے بعد والي آيت کو بھي پڑھنا! اور اُنھوں نے اس کي تلاوت کي" توبه کرنے والے پرهيز گار، ستائش کرنے والے روزه دار، جو ھميشه رکوع و سجود ميں ھوتے ھيں، جو امر بالمعروف اور نهي عن المنکر کرتے ھيں اور الهي حرمتوں کا لحاظ رکھتے ھيں۔ ۔ ۔ ۔ " ان آيات کي تلاوت کرنے کے بعد امام سجاد(ع) نے اس کي طرف رخ کرکے فرمايا: " اگر اس قسم کي خصوصيات رکھنے والے افراد کو پاﺆ گے تو ان کے همراه جهاد کرنا بيشک حج سے بهتر ھے[۸]۔ "
يه نکته بيان کرنا ضروري ھے که اس وقت، جنگ کرنے والے بظاھر مسلمان دوگروهوں ميں محدود تھے: پهلا گروه بني اميه کے سپا هيوں پر مشتمل تھا، جو کشور کشائي ميں لگے تھے اور دوسرا گروه، خوارج پر مشتمل تھا، جو غلط نظريه اور غير الهي نيت سے بني اميه کے خلفاء سے جنگ کررھے تھےاور ان دو گروهوں ميں سے کسي ايک ميں قرآن مجيد ميں موجود ان معياروں کو نھيں پايا جاتا تھا۔ اسي بنا پر، امام سجاد(ع) جهاد کي قدر و منزلت کو زير سوال ڈالے بغير، هر جنگ اور انقلاب کو جهاد نھيں سمجھتے تھے، بلکه قرآن مجيد سے استفاده کرتے ھوئے، اُنھوں نے ايک ايسے معيار کا اعلان کيا که اگر ان معياروں والے افراد کا مشاھده کيا جائے، تو ان کے ھمراه جهاد کرنے کي قدر ومنزلت ھوگي۔
اب اس اعتقاد کے ساتھ که رھبر فقيد انقلاب(رح) اور ايران کے اسلامي انقلاب اور ٹھونسي گئي جنگ کے بھت سے شهداء اس قسم کي خصوصيات کے مالک تھے، ھم سوال کے آخري حصه کا جواب ديں گے۔
۳۔ آخري نتيجه حاصل کرنے اور يه که امام خميني(رح) نے کيوں ايران کے انقلاب کي رهبري کي، مذکوره اشاره شده روايتوں کے علاوه دوسرے موضوعات پر بھي غور کرنا چاھئے، ان ميں سے بعض حسب ذيل ھيں:
۱۔۳ ائمه معصومين (ع) نے بظاهر کوئي حکومت تشکيل نھيں دي ھے يا کسي انقلاب کي قيادت نھيں کي ھے، پھر بھي حکومت جيسي سرگرمياں انجام ديتے تھے اور به الفا ديگر غير قانوني حاکميت کے مقابلے ميں ايک نظم کو چلاتے تھے۔ اسلامي معاشروں کے مختلف علاقوں ميں نمايندے بھيجنا، اپنے شيعوں کو حکومت کے قاضيوں کے پاس اپنے کيس لے جانے کي ممانعت کرنا[۹]، ائمه اطهار(ع) کے نمايندوں کے ذريعه عدليه کے مسائل کو حل کرنا اور مختلف ماليات جمع کرنا جيسي سرگرمياں، ايسے متوازي کام ھيں اور اس قسم کي سرگرمياں اس امر کا سبب بن جاتي تھيں که ظالم بادشاه ان (ائمه اطهار) کے وجود کو برداشت نھيں کرتے تھے اور انھيں (ائمه اطهار کو) تباه کرنے اور شهيد کرنے کي فکر ميں ھوتے تھے۔
ايک روايت ميں نقل کياگيا ھے که ايک چغل خور، جو حسيني سادات ميں سے تھا! هارون رشيد سے خطاب کرتے ھوئے کهتا ھے: ميں تعجب کرتا ھوں که ھمارے درميان دو خليفے پائے جاتے ھيں! ان ميں سے ايک موسي بن جعفر (ع) ھيں که بعض لوگ اپنے ماليات مدينه ميں ان کے پاس بھيجتے ھيں اور دوسرے تم که عراق ميں ماليات جمع کرنے ميں مشغول ھو[۱۰]۔
اسلامي جمهوريه ايران کے باني(رح) نے اپنے ايک بيان ميں ائمه اطهار(ع) کے اس طريقه کار کا يوں تجزيه کيا ھے:" اگر ھمارے ائمه اطهار(ع) اپنے گھروں ميں بيٹھتے اور ۔ ۔ ۔ ۔ لوگوں کو بني اميه اور بني عباس کي طرف دعوت ديتے، تو ان کا احترام کيا جاتا، اور انھيں سرپر بٹھايا جاتا، ليکن وه حکام ديکھتے تھے کي ائمه اطهار (ع) ميں سے کوئي اس وقت لشکر کشي نھيں کرسکتا ھے، کيونکه ان کے لئے اس کام کا موقع فراهم نھيں البته وه انھيں خاموشي سے تباه کررھے ھيں، اس لئے انھيں گرفتار کرتے تھے، انھيں زندان ميں ڈالتے تھے، دس دس سال تک وه زندانوں ميں ھوتے تھے۔ کيا امام موسي بن جعفر (ع) کو اسي لئے زندان ميں ڈالتے تھے؟! کيونکه وه نماز پڑھتے تھے؟! اور روزه رکھتے تھے؟! کيا وه لوگوں کو هارون الرشيد کي پيروي کرنے کي سفارش کرتے تھے۔ ۔ ۔ اور کهتے تھے که جاکر ان کے ساتھ سازباز کريں؟! جتنا بھي وه ظلم کريں آپ زبان نه کھوليں؟! ياقضيه اس کے برعکس تھا، بلکه وه (ظالم حکام) ديکھتے تھے که ان کے لئے يه (ائمه اطهار)خطرناک ھيں، ان کي حکومت کے لئے خطرناک ھيں، ان کي طاقت کے لئے خطرناک ھيں، اس لئے ان کو گرفتار کرکے زندانوں ميں ڈالتے تھے، انھيں قتل کرتے تھے، انھيں تکليف پهنچاتے تھے اور انھيں جلا وطن کرتے تھے[۱۱]۔؟
اس تجزيه کے مطابق ايک حقيقي شيعه انتظار ظهور کے بهانے سے، صديوں اور هزاروں سالوں تک خاموش تماشائي بن کر نھيں بيٹھ سکتا ھے اور کسي قسم کے اصلاحي اقدام سے اجتناب نھيں کرسکتا ھے۔
۲۔۳۔ھماري روايتوں ميں کثرت سے ايسے مطالب ملتے ھيں، جن ميں امام مھدي (عج) کے ظهور سے پهلے اصلاحي تحريکوں کي طرف اشاره کيا گيا ھے اور ان تحريکوں کي تائيد کي گئي ھے۔ ان ميں سے ايک روايت ميں مشرقي زمين کے ايک گروه کي طرف اشاره کياگيا ھے، جو اپنے قيام و انقلاب سے حضرت مھدي(عج) کے انقلاب کے لئے زمينه سازي کريں گے[۱٢]۔ امام خميني(رح) بھي اس اميد کا اظهار کرتے تھے که ايران کا انقلاب مذکوره وعده دياگيا انقلاب ھوگا، اس سلسله ميں فرماتے ھيں:" انشاء الله اس انقلاب کي کاميابي سے، شيطاني طاقتيں تنزل سے دوچار ھوں گي اور مستضعفين کي حکومت قائم ھوکر، مھدي آخر الزمان(عج) کي عالمي حکومت کے لئے موقع فراهم ھوگا[۱۳]۔"يا يه روايت جس ميں امام مھدي(عج) کے ظهور سے پهلے يمن کے ايک شخص کے انقلاب کا اشاره کيا گيا ھے اور شيعوں کو اس کي حمايت کرنے کي فهمائش کي گئي ھے۔[۱۴] وغيره ۔ ۳۔۳۔ ائمه معصومين (ع) نے ديني فقها اور دانشوروں کو غيبت کے زمانه ميں اپنے نمايندوں کے عنوان سے متعارف کياھے[۱۵]۔ قدرتي طور پر عام انتظار کے يه معني ھيں که وه اهل بيت(ع) کي سيرت پر عمل کرنے والے ھوں۔ غيبت کي پوري تاريخ ميں ھم مشاھده کرتے ھيں که ديني علماء نے اصلاحي تحريکوں ميں کليدي رول ادا کيا ھے اورعصر حاضر ميں، حتي که وه افراد بھي، جو اسلامي انقلاب پر تنقيد کرتے تھے، خود ايک محدود تر دائرے ميں، مرجعيت کے بيوت کے عنوان سے تشکيلاتي اور حکومت کے مشابه کام انجام ديتے تھے اور اس طرح اصلاحي سرگرميوں ميں مشغول تھے اور اپني اس قسم کي اصلاحي تحريک کو ائمه اطهار(ع) کے ارشادات کے خلاف نھيں سمجھتے تھے۔
۴۔۳ وثوق کے ساتھ کها جاسکتا ھے که اگر غيبت کے زمانه ميں ابتدائي جهاد بھي ممنوع ھو تو، کسي فقيه اور ديني دانشور، نے افراد کي جان و مال اور ناموس پر حمله کے وقت مسلح طور پر بھي دفاع کرنے کي ممانعت نھيں کي ھے، بلکه اسے ايک مسلم واجب جانا ھے۔ ايران کا اسلامي انقلاب اس زمانه ميں ظاهر ھوا ھے جب مذکوره تمام موارد، يعني مسلمانوں کي جان، مال اور ناموس داخلي اور خارجي دشمنوں کي يلغار کي زد ميں تھے۔ بيشک، عورتوں کو جبراً بے پرده کرنا اور اس کے بعد صحن رضوي (ع) ميں لوگوں کا قتل عام، کيپچيوليشن [قانون] اور۲۵۰۰ ساله فحاشي پر مبني جشن کو هم نھيں بھولے ھيں!
۵۔۳ اس کے باوجود، اور مختلف نظريات رکھنے والے گروهوں کي طرف سے ملک ميں مسلح تحريکوں کي سرگرميوں کے باوجود انقلاب کي اصلي قيادت امام خميني(رح) کے هاتھ ميں تھي، اور وه ھميشه اهل بيت (ع) کے نقش قدم پر چل کر پر امن تحريک کے قائل تھے اور اسلامي انقلاب کے دوران بھت سي درخواستوں اور دباﺆ کے باوجود مسلح طريقوں سے استفاده کرنے کي اجازت نھيں دي، که صحيفه سجاديه کي روايت بھي اس کي ايک دليل ھے اور ھم مشاھده کر رھے ھيں جس وقت حکام کي طرف سے قتل عام ھوتا تھا که قدرتي طور پر اس کي ذمه داري ان ھي حکام پر تھي۔
مثال کے طور پر امام خميني (رح) نے انقلاب کے عروج پر ۱۳۵۷ ھجري شمسي (۱۹۵۸ء) ميں مجله" فيگارو" کے ساتھ ايک انٹريو ميں فرمايا که:" ميں نے ابھي تک اپني راهنمائيوں کو پر امن ھونے کي راه سے تغير نھيں ديا ھے [۱۶]!”
نتيجه کے طور پر کهنا لازم هے که: پهلوي خاندان کے اقدامات ايسے تھے که ان کے خلاف مسلح بغاوت بھي جائز تھي، ليکن امام خميني(رح) نے تدبر اور دور انديشي سے اپنے پر امن اعتراضات کو هي جاري رکھا جس کا نتيجه اسلامي انقلاب کي کاميابي ھے۔ اگر چه اس طريقه کار کے باوجود بھي بھت سے افراد شهادت پر فائز ھوئے، ليکن قابل توجه بات ھے که ايران کے انقلاب، ميں مسلح بغاوت نھيں تھي، بلکه ايک وسيع قسم کي اصلاحي تحريک تھي، جس کے خلاف کوئي آيت يا روايت نھيں پائي جاتي ھے، اگرچه پهلوي حکمرانوں نے بھت سے افراد کو شهيد بھي کيا، اس موضوع کو ائمه معصومين (ع) کي شهادت کے زاويه سے ديکھنا چاھئے که امام موسي بن جعفر(ع) کے مانند، مسلح بغاوت کے حامي نه ھونے کے باوجود صرف اس بناپر که ان کے طريقه کار کو ظالم حکام پسند نھيں کرتے تھے، انھيں اذيت و آزار پهنچايا گيا اور انھيں زندانوں ميں ڈالا گيا آخر کار وه شهيد کئے گئے۔
منابع اور مآخذ:
[۱] صحيفه سجاديه، ص ٢۰، دفتر نشر الهادي، قم، ۱۳۷۶ ھ ش.
[٢] صحيفه امام، ج ٢، ص ۸۶.
[۳] حر عاملي، محمد بن الحسن، وسائل الشيعة، ج ۱۵، ص ۵٢، ح ۱۹۹۶۹، مؤسسة آل البيت، قم، ۱۴۰۹ ھ.
[۴] ايضاً، ص ۵۱، ح ۱۹۹۶۵.
[۵] وسائل الشيعه کے جلد ۱۵، صفحه ۵۰ ميں " حکم الخروج بالسيف قبل قيام القائم " (عج) [حضرت مھدي(ع) کے ظهور سے پهلے مسلح بغاوت ] کے عنوان سے ايک فصل ھے، اس فصل ميں اس قسم کي روايتوں کو ديکھا جاسکتا ھے۔
[۶] حر عاملي، محمد بن الحسن، وسائل الشيعة، ج ۱۵، ص ۵۱-۵۰، ح ۱۹۹۶۴.
[۷] صحيفه امام، ج ٢۱، ص ۱۷-۱۶، اس سلسله ميں ان کے بيانات کو ج ۳ ، ص ۳۴۰۔ ۳۳۹ ميں بھي مطالعه کيا جاسکتا ھے۔
[۸] کليني، محمد بن يعقوب، کافي، ج ۵، ص ٢٢، دار الکتب الإسلامية، تهران، ۱۳۶۵ ش.
[۹]ملاحظه ھو: کتاب وسائل الشيعه ج ۲۷ باب اول "صفات قاضي"
[۱۰] مجلسي، محمد باقر، بحار الانوار، ج ۴۸، ص ٢۳۹، ح ۴۸، مؤسسة الوفاء، بيروت، ۱۴۰۴ ھ .
[۱۱] صحيفه امام، ج ۴، ص ٢۱.
[۱٢] بحار الانوار، ج ۵۱، ص۸۷.
[۱۳] صحيفه امام، ج ۱۵، ص ۳۴۹- ۳۴۸.
[۱۴] بحار الانوار، ج ۵٢، ص ٢۳۰.
[۱۵] وسائل الشيعة، ج ٢۷، ص ۱۳۱، ح ۳۳۴۰۱.
[۱۶] صحيفه امام، ج ۴، ص ۳.
-----------------------------
No comments:
Post a Comment